Vâ mơdêk hnoăng cheăng pêi cheăng tơrŭm hnê tối ‘na hnoăng cheăng lêng, kơxê lơ 7/3 a Hà Nội, Khu pơkuâ ngăn Đảng lêng Tơnêi têa, Khu xiâm pơkuâ ngăn lêng tơkŭm po trâm mâ khu chêh hlá tơbeăng Rơnó Hơngui Quý Mão 2023. Đăi tươ̆ng Phan Văn Giang tối nhên mâu kơ koan chêh hlá tơbeăng Tơnêi têa, kong pơlê hiăng mơdêk tơ’nôm chôu, hơ’lêh nếo, mơdêk ki rơkê tro dêi mâu tơdroăng chêh mơ’no, mâu tơdroăng ki hnê tối hnoăng cheăng tơdroăng cheăng lêng, hnê tối ‘na Khu lêng.

Malối cho hnê tối ki xiâm Tơbleăng mơđah tơdroăng cheăng lêng gâk kring lâp plâi tơnêi Việt Nam 2022; tơdroăng cheăng tŏng kum tŏng veăng rôh tơnêi tơdro a Thổ Nhĩ Kỳ pơla hdrối kố nah dêi Khu lêng kuăn pơlê Việt Nam.