Khu râ kăn pơkuâ Kŏng an hiăng tơdah ƀă pơkuâ tơkŭm po kheăn kơdeăn, mơhnhôk khu râ kăn pêi cheăng a Tơraih tơƀai lâp plâi tơnêi Nội Bài. Klêi kơ’nâi hên hâi tơ’noăng ƀă hâi khế vâ ti tăng mâu ngế tro kơđu tung hngêi tơhnâp, Khu pêi cheăng lăm tŏng xo mơngế hliăng tiâ dêi Khu xiâm pơkuâ Kŏng an Việt Nam a Thổ Nhĩ Kỳ hiăng pêi kêi đeăng hnoăng cheăng châ pơcháu; tơrŭm ƀă khu tŏng xo mơngế hliăng tiâ mâu kong têa tŏng kum châ 1 ngế ối rêh lo ing kơpong tơhnâp; ti tăng châ 14 châ ngế trâm xía vâ tŏng xo lo pa gong pơcháu ăm kơ koan khăm pơlât kong pơlê.

Tơdrêng amê hiăng pơtroh vâ chê 2 tâ̆n tơmeăm khăm pơlât dêi Khu xiâm pơkuâ Kŏng an Việt Nam ăm kơ koan pơkuâ tơdroăng cheăng kong têa Thổ Nhĩ Kỳ ƀă ăm Khu pơkuâ ngăn pơkeăng ƀă khăm pơlât pơlê kong kân Adiyaman.

Roh kố Ngế xiâm pơkuâ Kŏng an hiăng diâp ƀâng kheăn kơdeăn ăm 24 ngế kăn ƀô̆, mâu lêng hiăng kơhnâ rơkê tung roh pêi hnoăng cheăng tŏng xo mơngế hliăng tiâ, tŏng kum mơngế trâm xía vâ tơnêi tơdro a kong têa Thổ Nhĩ Kỳ.