A kong pơlê Kon Tum, kong tô ó, pro vâ chê 20 rơpâu ha tung tâi tâng ƀăng tơnêi lối 60 ha kong dêi kơdrum kong ilâng tơnêi têa Čư̆ Mrăng Mrai mơni kô tro on chếo drêng lâi ôh tá ‘nâi. Kơpong ki xiâm ki tơ’lêi tro on chếo kâ kong châ mơnhên cho a mâu cheăm: Mo Rai, Rờ Kơi (tơring Sa Thầy) ƀă Pờ Y, Sa Loong (tơring Ngọc Hồi). A mâu cheăm kố ai vâ chê 20 rơpâu ha kong loăng phêa, kơlá, pơ-ốu, nhâ, hlá xá mơni kô tơ’lêi tro on chếo.

Pakĭng lối 240 ha kong loăng pêt sap ing hơnăm 2014 nah troh nôkố dêi tíu kố xuân châ mơnhên cho kơpong ki tơ’lêi on chếo. Khu rak ngăn Kơdrum kong ilâng tơnêi têa Čư̆ Mrăng Mrai rak vế 14 tíu gâk ƀă 21 tíu gâk hbrâ mơdât on chếo kong plâ hâi plâ măng. Rơtế a mê tíu cheăng kố ối mhnhôk khu dêi 23 kuăn pơlê xo rak ngăn kong veăng tung hnoăng cheăng hbrâ mơdât on chếo kong.