Tiah mê pôa Nguyễn Trung Hải, Ngế cheăng tung Khu pơkuâ ngăn, Kăn pơkuâ ngăn Đảng đoàn, Kăn hnê ngăn Vi ƀan Măt trâ̆n Tơnêi têa Việt Nam kong pơlê châ khu pơkuâ hnê ngăn Đảng kong pơlê Kon Tum pơtroh, xoăng hnoăng ƀă pôk pro Ngế xiâm pơkuâ Khu pơtâng tối tơdroăng kal dêi Khu pơkuâ ngăn Đảng Kon Tum.

Jâ Y Thị Bích Thọ, Ngế cheăng tung pơkuâ ngăn, Kăn pơkuâ Vi ƀan Séa ngăn Khu pơkuâ ngăn Đảng châ Khu pơkuâ ngăn Đảng kong pơlê Kon Tum pơtroh, axoăng hnoăng ƀă pơkâ thế veăng tung Đảng đoàn pro kăn pơkuâ ngăn Đảng đoàn Vi ƀan Măt trâ̆n Tơnêi têa Việt Nam kong pơlê, pơla hơnăm 2019-2024. Pơtroh, axoăng hnoăng ăm pôa Huỳnh Quốc Huy, Ngế cheăng tung khu pơkuâ hnê ngăn Đảng, Ngế xiâm pơkuâ khu pơtâng tối tơdroăng kal kong pơlê Kon Tum troh xo pêi dêi hnoăng cheăng a kơ koan Vi ƀan séa ngăn Đảng kong pơlê Kon Tum hneăng 16, pơla hơnăm 2020-2025.

A rôh hôp tơbleăng ƀă diâp pơkâ pơtroh, xoăng hnoăng cheăng nếo ăm 3 ngế cheăng tung khu pơkuâ hnê ngăn Đảng, pôa Dương Văn Trang, Ngế cheăng tung tíu xiâm Đảng, Kăn pơkuâ hnê ngăn Đảng, Kăn hnê ngăn Hô̆i đong kong pơlê Kon Tum púi vâ tung hnoăng cheăng nếo 3 ngế cheăng tung khu pơkuâ hnê ngăn Đảng kố pơtối kơhnâ, mơ-eăm, rơtế ƀă tâi tâng kăn pơkuâ mâu tíu pêi cheăng pêi klêi rơkê má môi hnoăng cheăng châ pơcháu.