Tơdroăng “Rak tơniăn ‘na tê tơmeăm tung pơla hdrối, tung hâi Têt ƀă klêi kơ’nâi Têt Lo hơnăm nếo Qúy Mão 2023’’ Xua Viƀan kong pơlê Kon Tum tơbleăng ai 2 tíu pêi cheăng chêh inâi veăng, mê cho Siêu thĭ Co.op Mart ƀă Siêu thĭ Win Mart. Péa tíu kố rôe ‘măn mâu tơkeăm kŏng ngê̆, kế kâ, mâu kế tơmeăm ối drêh ƀă mâu kế kâ ki pro hdrối ai tâi tâng 53 rơtal liăn.

Xiâm liăn rôe ‘măn kơdĭng tơmeăm tê khu mơdró rak tơniăn dêi. Vâ tơ’lêi hlâu ăm kuăn pơlê ki kal vâ rôe tơmeăm hdrối, tung ƀă klêi kơ’nâi Têt Lo hơnăm nếo Qúy Mão 2023, a tung pơlê kong kơdrâm Kon Tum péa tíu pêi cheăng veăng tơdroăng rak tơniăn yă pơtối rak vế 2 tíu tê tơmeăm ki pơkâ môi tíu.

Pakĭng mê, péa tíu pêi cheăng xuân tơkŭm tê tơmeăm ƀă rơxế lăm tê ukố umê a 2 to cheăm kơpong kuăn ngo ki kơtiê xơpá dêi kong pơlê, mê cho cheăm Đăk Sao, tơring Tu Mrông ƀă cheăm Mường Hoong, tơring Đăk Glei.