Rôh tơ’noăng ‘na tơdroăng ki hbrâ mơdât klâk têa a vâi hdrêng kong pơlê Kon Tum hơnăm 2024 ai tơdroăng ki veăng dêi 6 đô̆i ƀă lối 180 ngế tơ’noăng. Tâi tâng mâu ngế tơnoăng mê pơrá tung hơnăm phô̆m vâ xông kân ƀă mâu vâi hdrêng hriâm tâp môn klê têa a mâu tíu hnê, Tíu xiâm hnê mâu mâu phô̆m vâ xông kân ƀă vâi hdrêng ƀă Kâu lak ƀô̆ klêa têa a kong pơlê Kon Tum.

Tung 2 hâi veăng tung rôh tơ’noăng, mâu vâi o tơ’noăng tung tơdroăng klê đông chĭng iăng ƀă tơrŭm ƀă pú; tơdroăng ki lăm chu a têa tŏng xo ngế ki klâk têa ôh tá xê khât; tơdroăng ki tŏng xo ngế klâk têa  ki ôh tá khât ing ‘noăng têa; tơdroăng ki đông chĭng iăng rơkê má môi; tơdroăng ki xâp ếo đông tro túa ƀă tơ’noăng tăng ‘nâi túa ki klê tơnoăn tiô túa kơ’râu kơ’lêng mêa.