Kon Tum Tơpui tơno tŏng gum pá puât ăm khu mơdró kâ
Thứ bảy, 10:02, 10/08/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Ƀă tơdroăng ki xiâm cho tơdah xo rĕng tơdroăng vâ tăng troăng tŏng gum pá puât ăm khu mơdró kâ, kơxê lơ 9/8, kăn pơkuâ kong pơlê Kon Tum hiăng ai rôh pêi cheăng ƀă kăn teăng mâ hên khu mơdró kâ dế pêi cheăng mơjiâng bro, tê mơdró a kong pơlê.
A rôh pêi cheăng, kăn pơkuâ kong pơlê Kon Tum rơtế ƀă mâu khu râ, kơvâ cheăng hiăng tơdah hên tơdroăng ki tơdjâk troh pá puât, tơvâ tơvân kal châ pơkâ tơleăng dêi lối 10 khu mơdró kâ, ki hên cho tung kơvâ ‘no liăn mơjiâng bro hngêi kơmăi on tơhrik ƀă tăng chiâ xo mâu kế tơmeăm.
Pôa Nguyễn Ngọc Sâm, Kăn phŏ hnê ngăn Vi ƀan kong pơlê Kon Tum hiăng tiâ mơnhên tơdrêng hlối ƀă rêm tơdroăng ki tơvâ tơvân. Ƀă mâu tơdroăng ki pâ thế tá hâi châ tŏng gum tơdrêng, pôa Nguyễn Ngọc Sâm, kăn phŏ hnê ngăn Vi ƀan kong pơlê Kon Tum pơcháu ăm mâu khu râ, kơvâ cheăng ƀă mâu tơring, pơlê kong kơdrâm tơkŭm tŏng kum khu mơdró kâ ‘na túa pơkâ, hlá mơ-éa vâ tŏng gum, tơvâ tơvân ƀă ai hâi khế pơkâ nhên vâ tiâ ăm khu mơdró kâ.
Viết bình luận