Tíu ki tơbleăng tối ‘na hyôh kong prâi Lâm Đồng ăm ‘nâi 90% ƀăng tơnêi a kong pơlê hiăng tro têa lân lu, mơni kô ai têa lân lu a mâu têa plông ki kŭn ƀă tơnêi tơhnah tơhnâp tơkêa kuâ hngêi. Mâu cheăm bêng môi tiah Dam Rông, D’Ran, Lạc Dương, Nam Ban, Hiệp Thạnh ƀă hên cheăm bêng ki ê rơtế ƀă mâu troăng văng Troăng kân 20, 27, 27C, 28B, Đại Ninh, Prenn ƀă Mimosa ối tung inâi ki mơni kô têa lân lu, tơnêi tơhnah tơhnâp.

U ối a kong pơlê Dak Lak, tiô Tíu ki pơtâng tối hyôh kong prâi kong pơlê, hên kơpong kuăn pơlê kơpong thông, a Dak Lak hiăng pơxiâm tro têa lân; ai mâu troăng prôk ki ‘nâ tung cheăm, tung thôn pơxiâm hiăng tro têa lu. Tơnêi tơhnah tơhnâp xuân hiăng ai a hên kơpong văng rơnâk a Khánh Hòa-Lâm Đồng.

Pakĭng rôh tơnêi hnah pro 5 ngế hlâ a Văng Khánh Lê, tơnêi tơníu dêi kong pơlê Khánh Hòa, lối chât tíu tơnêi tơhnah ki ê a văng Ngoạn Mục ƀă văng Khánh Sơn – tơkoh Khánh Hòa ƀă Lâm Đồng. Khu ki ai tơdjâk hiăng mơdât pơtân a Văng Ngoạn Mục vâ ăm tơniăn.