Drêng troh leh tơbâ 30 hơnăm hâi mơjiâng Đảng Kŏng sản kong têa Rusi  (14/02/1993 - 14/02/2023), pôa Nguyễn Phú Trọng, Kăn xiâm hnê ngăn Đảng hiăng ai kơthô rơkâu pơtroh ăm pôa Gennady Ziuganov, Kăn hnê ngăn Đảng Kŏng san kong têa Rusi. Tung kơthô ai chêh: Tung 30 hơnăm hdrối, Đảng kŏng san kong têa Rusi đi đo môi troăng hơlâ xo Chủ nghiã Mác Lênin pro xiâm ‘na tuăn ngoâ, môi tuăn ƀă ki pơxúa dêi giai cấp công nhân, kuăn pơlê, mâu ngế rơkê ƀă kuăn pơlê ki pêi cheăng, ai hnoăng veăng ‘no kân kĭn ăm tơdroăng mơnhông mơdêk dêi kong têa Rusi nôkố, rak hnoăng ki kal tung tơdroăng mơhnhôk pêi dêi kŏng san ƀă kuăn pơlê lâp plâi tơnêi.

Đảng Kŏng san Việt Nam đi đo nhoăm ƀă hlối rơtế ƀă mâu vâi pú pêi pro khât tâ nếo tơrŭm cheăng pơla péa Đảng Kŏng san kong têa Rusi, mơdêk tơrŭm cheăng tung tâi tâng pơla Việt Nam - kong têa Rusi, xua vâ pro pơxúa dêi kuăn pơlê péa tơnêi têa, Xua vâ pro hơniâp lĕm, tơniăn a kơpong ƀă Tung lâp plâi tơnêi. Rơkâu Đảng Kŏng san kong têa Rusi châ pêi hên hnoăng cheăng ki kân tâ nếo tung tơdroăng mơjiâng chuh nghiah xah hô̆i, xua vâ tơniăn ƀă hơniâp lĕm ăm kuăn pơlê Rusi.