Hâi lơ 13/3, a pơlê kong kân Hồ Chí Minh, Kuân khu 7 tơrŭm ƀă Hô̆i đong tơpui kâ xiâm tơnêi têa Tơkŭm po tơpui ‘na mâu tơdroăng tơpui kâ- tơdroăng pêi pro tung tơdroăng kring vế Tơnêi têa tung chal nếo nôkố. Mâu tơdroăng tối tơbleăng ƀă tơdroăng tơpui kâ a rôh tơpui tơno tơkŭm mơnhên tơdroăng ki hiăng châ pêi pro ƀă mâu tơdroăng pơkâ 10 hơnăm tơbleăng pêi tơdroăng pơkâ xiâm tơnêi têa má 8, hneăng 11 ‘na Tơdroăng kring vế tơnêi têa tung tơdroăng nếo tung Kuân khu 7.

Trung tươ̆ng Trần Hoài Trung, Kăn hnê ngăn Đảng ủy,  chính Ủy Kuân khu ăm ‘nâi, Kuân khu 7 ai hnoăng cheăng pêi ki kal dêi peăng Hdroh tơnêi têa ƀă tung lâp tơnêi têa. Đảng ủy, Khu xiâm pơkuâ ngăn Lêng Kuân khu 6  pơkâ 3 tơdroăng tô tuăn: Tô tuăn mơjiâng tơdroăng cheăng lêng kring gak kuăn pơlê, kơpong xiâm; tô tuăn ăm kuăn pơlê ƀă tô tuăn kum pú Kul.

Kuân khu hiăng tơbleăng pêi tơƀrê tơdroăng kring vế tíu tơkăng kong tơnêi têa ƀă hên troăng rơhlâ hriăn plĕng ki nếo, tơƀrê. Mâu kăn hiăng pâ thế Tíu xiâm tí tăng ‘nâi plĕng, pơkâ tơdroăng ki nếo châ kring vế tơnêi têa vâ ai tiô púi vâ, hnoăng cheăng kring vế Tơnêi têa tung tơdroăng nếo nôkố.