Tơpui pơxiâm po rôh hôp, pôa Trần Thanh Mẫn, Kăn xiâm hnê ngăn Kuô̆k hô̆i ăm ‘nâi, Hneăng hôp po tung pơla 1 hâi, a hngêi hôp Kuô̆k hô̆i. Kuô̆k hô̆i hiăng tơpui tơno, ăm rơkong veăng tơpui tối ‘na tơdroăng ki thế pơtê cheăng ƀă ngế xiâm pơkuâ hngêi tơleăng vâ xo pêi dêi hnoăng cheăng a tíu ê.

Kĭ pơkâ thế pơtê cheăng ƀă 1 Ngế pro xiâm phŏ hnê ngăn Chin phuh ƀă ngế xiâm ngăn mơjiâng pro luât vâ tơdah xo pêi dêi hnoăng cheăng ki ê. Kĭ pơkâ thế pơtê cheăng ƀă 1 Ngế pro xiâm phŏ hnê ngăn Chin phuh ƀă ngế xiâm ngăn tơmeăm khoăng tung têa a tơnêi ƀă hyôh kong prâi. Thâ pơkeăng ƀă 1 ngế kăn Kuô̆k hô̆i hneăng 15.

Kuô̆k hô̆i tơpui, ăm rơkong veăng tơpui tối ‘na tơdroăng ‘mot tơ’nôm 1 Ngế pro xiâm phŏ hnê ngăn Chin phuh, Ngế xiâm ngăn tơmeăm khoăng tung têa, a tơnêi ƀă hyôh kong prâi, ngế xiâm mơjiâng luât. Pôk ngế xiâm pơkuâ hngêi tơleăng xiâm ƀă Viê̆n arak luât kuăn pơlê.