Kăn pơkuâ hngêi tơleăng xiâm ki nếo hiăng pơchuât tơkêa tiô pơkâ. Xông tơpui to pro kăn, pôa Nguyễn Văn Quảng, Kăn xiâm pơkuâ hngêi tơleăng xiâm tối nhuô̆m Khu pơkuâ xiâm Tơnêi têa, Khu xiâm kal kí, Khu pơkuâ tơdroăng cheăng Đảng, pôa Tô Lâm, Kăn xiâm pơkuâ hnê ngăn Đảng ƀă mâu khu râ kăn pơkuâ Đảng, Tơnêi têa loi tơngah pơcháu hnoăng nếo, Kuô̆k hô̆i loi tơngah rah xo pôa to pro Kăn pơkuâ hngêi tơleăng râ xiâm cho ngế ối a ko kơ koan tơleăng, kơ koan pêi pro hnoăng krê tiô pơkâ dêi Luât tơnêi têa Kŏng hoa xah hô̆i chuh ngiah Việt Nam.

Pôa Nguyễn Văn Quảng, Kăn pơkuâ hngêi tơleăng râ xiâm tối ăm ‘nâi, kô pêi pro tro rơkong tơkêa a ngiâ Kuô̆k hô̆i, pêi tiô pơkâ dêi Đảng, pêi pro tro mâu pơkâ ƀă tơdroăng pơkâ dêi Luât.