Hâi lơ 14/3, Vi ƀan kong pơlê Lâm Đồng tơbleăng pơkâ mơjiâng Khu séa ngăn tơdroăng prôk lăm ƀă tơdroăng pơto, tê têa châu, têa kơxăng vâ thăm hbrâ mơdât lu lêa tê mơdró, mơdât tơdroăng ôh tá châ xo hnoăng mơhá. Pơtối mê, Khu séa ngăn dêi kong pơlê Lâm Đồng châ phêp pơtê tơdroăng dế pơto têa châu, têa kơxăng a mâu troăng kân tung kong pơlê vâ séa ngăn. Drêng châ hlo lơ nhôm ai tơdroăng pro xôi luât, khu séa ngăn châ ăm phêp pơkâ djâ mâu rơxế ƀă tơmeăm vêh a tíu pêi cheăng Kơ koan xiâm xo hnoăng mơhá achê má môi vâ pêi cheăng tơdroăng ki ai tơdjâk, pro hlá mơ-éa pro xôi tiô pơkâ.

Khu séa ngăn kô pêi cheăng plâ hâi plâ măng, hâi khế pêi pro hnoăng cheăng sap ing hâi lơ 1/4  troh tâi khế 12 hơnăm 2023. Lâm Đồng pêi pro lối 330 tíu tê mơdró têa châu, têa kơxăng cho pơkuâ dêi 220 khu tê mơdró dế pêi cheăng.