Xông tơpui a roh leh, pôa Lương Cường, Kăn xiâm hnê mơhno má môi Khu pơkuâ hnê ngăn cheăng Đảng tối nhên: tơdroăng Hlá tơbeăng Nhân Dân tơkŭm po mơhno mâ trang thông tin ki phá tơ-ê ‘’pôa Nguyễn Phú Trọng, Kăn xiâm pơkuâ hnê ngăn Đảng hneăng hdrối – Kăn xiâm pơkuâ ki ai hiâm mơno lĕm, ai tơdjâk kân dêi Đảng’’ cho tơdroăng pêi ki kơnía ai pơxúa, kum kăn ƀô̆ đảng viên kuăn pơlê ƀă pú hmâ lâp plâi tơnêi hlê plĕng nhên tâ ‘na tơdroăng rêh ối, tơdroăng cheăng, mâu tơdroăng ki pleăng kân kĭn dêi pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm pơkuâ ki rơkê má môi, ai hiâm mơno kân, ai hiâm mơno lĕm, tơdrăng bâ eăng.

Pôa Lương Cường pơkâ thế Khu pơtâng tối Tơnêi têa tơbleăng troh lâp lu tơdroăng xiâm Trang thông tin ki má môi ‘na “Pôa Nguyễn Phú Trọng, Kăn xiâm pơkuâ hnê ngăn Đảng hneăng hdrối– Kăn xiâm pơkuâ ki ai hiâm mơno lĕm, ai tơdjâk kân dêi Đảng’’. Ing mê pro tơdroăng ki loi tơngah, hâk tơngăm dêi kăn ƀô̆, đảng viên tơmiât troh Đảng kơnía kân, djâ tơdroăng ki hâk tơngăm păng ‘nâng, ‘na Pôa Hồ, Kăn xiâm ki lâp plâi tơnêi ‘nâi troh, ‘na hdroâng mơngế Việt Nam khên tơnôu, pro tơdroăng ki pói vâ mơnhông tơnêi têa kro mơdrŏng, hơniâp lĕm.