Môi tiah Rơ’jíu Việt Nam hiăng chêh tối a kơxo hâi lơ 25/7, a hngêi hôp kân Thống Nhất (Pơlê kong kân Hồ Chí Minh) ƀă pơlê xiâm a thôn Lại Đà, cheăm Đông Hội, tơring Đông Anh, Pơlê kong kân Hà Nội, Khu Kăn xiâm Đảng, Kuô̆k hô̆i, Kăn xiâm hnê ngăn tơnêi têa, Chin phuh, Vi ƀan  xiâm Măt trâ̆n tơnêi têa Việt Nam ƀă rơpŏng hngêi hiăng tơkŭm po kân Lêh pôu ngăn pôa Nguyễn Phú Trọng - Kăn xiâm pơkuâ hnê ngăn Tíu xiâm Đảng Kŏng sản Việt Nam, pro kân tiô túa mơdâm kân râ xiâm Tơnêi têa.  

Leh Pôu ngăn pôa Nguyễn Phú Trọng - Kăn xiâm pơkuâ hnê ngăn Đảng châ pro tung chôu phut kân krih, ƀă rơrêk tung hiâm mơno”. Tung hiâm mơno mơjo pâ, Khu kăn xiâm Đảng xua pôa Tô Lâm, Ngế cheăng tung Khu xiâm kal kí, Kăn xiâm hnê ngăn tơnêi têa Kŏng hòa xah hô̆i chuh ngiah Việt Nam pro ngế pơkuâ djâ mot pôu ngăn pôa Nguyễn Phú Trọng. Khu kăn Chin phuh xua pôa Phạm Minh Chính, Ngế cheăng tung khu xiâm Kal kí, Ngế pro xiâm hnê ngăn Chin phuh pơkuâ djâ khu kăn mot pôu ngăn ƀă hlối veăng hơlêm tơdroăng khíu pâ rơtế ƀă rơpŏng hngêi pôa Nguyễn Phú Trọng.

Mơjo khât kơ pôa Nguyễn Phú Trọng - Kăn xiâm pơkuâ hnê ngăn Đảng, khu Kăn xiâm hnê ngăn tơnêi têa Kŏng hòa xah hô̆i chuh ngiah Việt Nam xua pôa Tô Lâm, Ngế cheăng tung Khu xiâm Kal kí, Kăn xiâm hnê ngăn tơnêi têa pơkuâ djâ khu kăn mot pôu ngăn hlối veăng hơlêm tơdroăng síu khéa mê ƀă rơpŏng hngêi pôa Nguyẽn Phú Trọng. Khu kăn xiâm Kuô̆k hô̆i xua pôa Trần Thanh Mẫn, Ngế cheăng tung khu xiâm Kal kí, Kăn xiâm hnê ngăn Kuô̆k hô̆i pơkuâ djâ khu kăn pôu ngăn pôa Nguyễn Phú Trọng hlối veăng hơlêm tơdroăng khéa ƀă rơpŏng hngêi.