Leh tơbleăng xua Khu xiâm ngăn Kŏng an, Khu ngăn vâi kơdrâi Việt Nam ƀă Vi ƀan hnê ngăn kong pơlê Lào Cai tơrŭm tơkŭm po. Tơpui a rôh leh, pôa Trần Lưu Quang - Ngế pro xiâm phŏ hnê ngăn Chin phuh tối nhên, roê tê mơngế cho môi tung mâu túa tơdroăng xôi ki rơ-iêo má môi tung lâp plâi tơnêi.

A Việt Nam, hâi lơ 30/7 xuân châ rah xo cho “Hâi tâi tâng kuăn pơlê hbrâ mơdât roê tê mơngế” vâ mơhnhôk ivá dêi tâi tâng khu pơkuâ tơdroăng kal kí ƀă tâi tâng kuăn pơlê tung rôh plâ mơdât mâu ngế ki bro xôi kố. Ngế pro xiâm phŏ hnê ngăn tơnêi têa krếo thế tơdroăng ki veăng kơhnâ dêi tâi tâng kuăn pơlê ƀă mâu kơ koan, khu tơrŭm tung ƀă kong têa ê vâ mơdât mâu ngế bro xôi roê tê mơngế lo ng tơdroăng rêh ối pơlê pơla, malối cho tơtrŏng rak vế vâi hdrêng ƀă ngế ki tơ’lêi loi vâi, séa ngăn inâi dêi hơnăm 2024 cho “pôi tá ăm vâi hdrêng ki lâi tro lôi pá rŏng” tung tơdroăng ki plâ mơdât kố.