Kơxê hâi lơ 15/3, pôa Phạm Minh Chính, Ngế pro xiâm hnê ngăn Chin phuh  veăng Leh tơbleăng Pơkâ mơnhên kong pơlê Hải Dương pê klêi tơdroăng mơjiâng thôn pơlê nếo. Nôkố lâp tung kong pơlê Hải Dương ai 178/178 to cheăm châ mơnhên tối thôn pơlê nếo, 43 to cheăm châ mơnhên thôn pơlê nếo mơdêk ƀă 4 to cheăm thôn pơlê tiô túa nếo; 12 tơring, pơlê kong krâm, pơlê kong kơdrâm châ mơnhên tối thôn pơlê nếo pê klêi tơdroăng cheăng mơjiâng thôn pơlê nếo.

Tơbleăng a rôh leh, pôa Phạm Minh Chính tối nhên Hải Dương hiăng ai hên hnoăng mơ-eăm ƀă pêi tiô hnoăng tơxâng hâk tơngăm, veăng ‘no hnoăng ki kal tung hnoăng chêh tơdjuôm dêi tơnêi têa tung pêi pro Tơdroăng pơkâ dêi tơnêi têa mơjiâng thôn pơlê nếo.

Ngế pro xiâm hnê ngăn loi khât, ƀă tơdroăng mơ-eăm nôkố ƀă púi vâ nếo. Hải Dương pơtối pêi châ tơƀrê ‘na mơnhông cheăng kâ - rêh ối pơlê pơla, mơjiâng thôn pơlê nếo tung hơnăm la ngiâ.