Hâi kố, lơ 26/7, Leh troh pôu ngăn pôa Nguyễn Phú Trọng - Kăn xiâm pơkuâ hnê ngăn Đảng pơtối tơkŭm po a Hngêi ‘mé Tơnêi têa kơxô̆ 5 Trần Thánh Tông, pơlê kong kân Hà Nội, pơxiâm sap 07 chô 00 phut troh 13 chô. Leh tơbâ hnoăng pôa Nguyễn Phú Trọng - Kăn xiâm pơkuâ hnê ngăn Đảng châ tơkŭm po a 13 chôu 00 phut hâi lơ 26 khế 7 hơnăm 2024 a Hngêi ‘mé Tơnêi têa kơxô̆ 5 Trần Thánh Tông, Pơlê kong kân Hà Nội ƀă leh ‘mé a drêng 15 chô 00 rơtế hâi mê a Ilâng kiâ Mai Dịch, pơlê kong kân Hà Nội.

Khu tơkŭm po Leh ‘mé pôa Nguyễn Phú Trọng, Kăn xiâm pơkuâ hnê ngăn Đảng tối ăm ‘nâi, sap ing 7 chôu troh 19 chô 30 phut hâi lơ 25/7, ai 1.565 Khu (ƀă dâng 55.600 roh ngế), cho teăng mâ khu râ kăn pơkuâ Đảng, Tơnêi têa, mâu tíu cheăng, khu xiâm, kơvâ cheăng, râ cheăng, kong pơlê, mâu kơ koan, mâu khu lêng kuăn pơlê, mâu khu tơpui kâ ƀă kong têa ê, teăng mâ mâu khu tơrŭm cheăng ƀă pú hmâ lâp plâi tơnêi, kuăn pơlê hiăng troh lăm pôu ngăn, pơtroh hơvĭng reăng, hơlêm rơtế rơpŏng pôa Nguyễn Phú Trọng - Kăn xiâm pơkuâ hnê ngăn Đảng, a Hngêi ‘mé Tơnêi têa – kơxô̆ 5 Trần Thánh Tông (Hà Nội), Hngêi hôp kân Thống Nhất (Pơlê kong kân Hồ Chí Minh) ƀă pơlê xiâm pôa Nguyễn Phú Trọng, Kăn xiâm pơkuâ hnê ngăn Đảng, thôn Lại Đà, cheăm Đông Hội, tơring Đông Anh, pơlê kong kân Hà Nội.