Trung tươ̆ng Phạm Trường Sơn, kăn phŏ tí tăng ‘nâi plĕng ăm Khu lêng kuăn pơlê Việt Nam veăng ai mâ ƀă diâp medái ki kơnía ăm Lưh đoàn Đặc công khên tơnôu. Mơdêk khô hmâ tíu pêi cheăng khên tơnôu, pơxiâm mot tung chal ki nếo, Lưh đoàm Đặc công ƀô̆ 198 đi đo tơrŭm, môi tuăn, mơjiâng tíu pêi cheăng krá rơdêi ‘na tơdroăng kal kí, hiâm mơno, túa rêh ối, khu tơrŭm ƀă kăn ƀô̆.

Kăn ƀô̆, lêng đi đo ai hiâm mơno khên tơnôu, krá rơdêi, hiâm mơno rơkê, môi tuăn ƀă tơdroăng ki tro ‘ló ƀă troăng hơlâ pơhlêh nếo dêi Đảng. Đăi tă Nguyễn Minh Mạnh, Kăn pơkuâ ngăn Đảng lêng Lưh đoàn Đặc công ƀô̆ 198 tối rơdêi, kăn ƀô̆ lêng tíu pêi cheăng mot tung hiâm mơno ƀă mơdêk khôi túa ki lĕm dêi Mố đô̆i Pôa Hồ ƀă khôi hmâ dêi Mố đô̆i Đặc công khên tơnôu, hbrâ rơnáu vâ tơdah xo ƀă pêi klêi mâu hnoăng cheăng châ pơcháu.