‘Mâi rơnêu Luât yă vâ tơtro ƀă khu râ kăn pơkuâ 2 râ ƀă tơdroăng ki ai khât nôkố
Thứ năm, 14:01, 13/11/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Pơtối Hneăng hôp roh má 10, Kuô̆k hô̆i hneăng má 15, kơxê lơ 12/11, tơpui tơno a hngêi hôp kân ‘na tơdroăng tơkêa bro Luât ‘mâi rơnêu, tơ’nôm mâu troăng dêi Luât yă, hên kăn teăng mâ pơkâ thế, tơdroăng ‘mâi rơnêu luât kal tơtro ƀă khu râ kăn pơkuâ 2 râ ƀă tơdroăng nôkố pơkuâ yă.
Mâu kăn teăng mâ tơkŭm tơpui a tơdroăng ‘mâi rơnêu pơkâ ‘na pơkuâ hnoăng pêi pro, rak tơniăn yă vâ tơtro ƀă khu râ kăn pơkuâ 2 râ; ‘mâi rơnêu inâi mâu tơmeăm, tơdroăng mơdró xua Tơnêi têa pơkâ yă ƀă hnoăng pơkuâ, troăng mơnhên yă; ‘mâi rơnêu, tơ’nôm pơkâ ‘na séa ngăn kơvâ ‘na yă tro pơhlêh ƀă luât ‘na séa ngăn; hnoăng pơkuâ tơnêi têa ‘na yă tro pơhlêh xua rah xo khu pêi cheăng tơnêi têa...
Tơdrêng amê pơkâ thế, tơdroăng pro pơhlêh luât thế tơniăn tơdroăng ki môi tuăn ƀă mâu luât ai tơdjâk môi tiah Luât khăm pơlât, Luât hnoăng mơhá krê, Luât tơbleăng mơ-éa pơkâ luât. Kal pơtối hriăn plĕng, séa ngăn vâ tơdroăng xing xoăng râ ăm Vi ƀan râ cheăm pêi pro mâu tơdroăng tơdjâk tơniăn yă chiâng pêi pro tung la ngiâ.
Viết bình luận