Tiô tối tơbleăng, kơxô̆ liăn dêi Tíu xiâm tơnêi têa hơnăm 2024 veăng gum pêi pro 3 Hnoăng cheăng xiâm tơnêi têa (Tơdroăng mơnhông pêi cheăng kâ - rêh ối pơlê pơla kơpong hdroâng kuăn ngo ƀă kong ngo: Tơdroăng kơdroh kơtiê krá tơniăn ton ƀă Tơdroăng mơjiâng thôn pơlê nếo) kơpong Tây Nguyên ai lối 5.500 rơtal liăn. Ăm mung kơxô̆ liăn vâ mơjiâng pro tơmeăm khoăng tơdjuôm dêi kơpong kố troh a hâi lơ 30/6/2024, mâu kong pơlê kơpong Tây Nguyên hiăng ăm mung châ lối 1.500 rơtal liăn, châ lối 36% tơdroăng pơcháu.

Troh nôkố, kơpong Tây Nguyên ai dâng 373 to cheăm ki châ mơnhên tối hiăng plah inâi thôn pơlê nếo: Kơxô̆ rơpŏng kơtiê tiô tơdroăng pơkâ kơtiê hên tơdroăng a hơnăm 2024 dêi kơpong hiăng chu kơdroh sap ing 3-4% tâng vâ pơchông ngăn ƀă hơnăm 2023. A roh hôp kố, pôa Trần Lưu Quang - Ngế pro xiâm phŏ hnê ngăn tối nhên, vâ pơkâ pêi pro tơdroăng cheăng ki tơƀrê mâu Hnoăng cheăng xiâm tơnêi têa, mâu kong pơlê pơkal athế pêi pro tâi dêi hnoăng cheăng, kơhnâ khât, pro rơdêi ó tâ nếo tung la ngiâ; mâu kong pơlê athế hriâm tâp dêi pó, kong pơlê ki lâi pro tá hâi teăm kâi chiâng mê athế hriâm tâp, tiô ƀối mâu kong pơlê ki rơkê vâ pêi pro lĕm tro vâ rơtế dêi pó rak vế, pêi pro ƀlêi chiâng hnoăng cheăng ki hiăng pơcháu.