Veăng ai mâ a lâm hnê hriâm, mâu ngế ki hriâm châ mâu khu ki rơkê dêi Viện Phát triển Phát thanh truyền hình Châu Á - Thái Bình Dương hnê ăm mâu tơdroăng ki kal tung chêh tối, rah chêh tơdroăng kal, ‘mêng rơnêu um, pro phim ƀă rah chêh. Malối cho túa ki ứng dụng môi kŏng ngê̆ kơxô̆, tơdroăng xúa kơxô̆ chal nôkố vâ tơdjêp pơla mâu tơdroăng kal nếo ai, teăm tơbleăng mơ’no tơdroăng kal, mơdêk ivá ki tơ’mot vâi tăng ngăn dêi phóng sự thời sự.

Rơtế ƀă phần lý thuyết, mâu ngế ki hriâm ối châ veăng pêi tơdrêng tung mâu rôh ki pro mơnúa ngăn a tíu ki hnê, gum vâi xúa ki rơkê plĕng mê tung tơdroăng ki ai khât. Kố cho tơdroăng cheăng tung tơdroăng mơdêk cheăng chêh hlá tơbeăng, vâ pêi pro châ tơdroăng púi vâ rế hía rế hên dêi kuăn pơlê ‘na ki rơkê tro dêi tơdroăng kal tơdroăng nếo ai dêi Rơ’jíu Việt Nam.