Troh nôkố 60% hô sơ râ cheăm dêi kong pơlê Kon Tum hiăng châ pêi cheăng tung troăng măng, châ pơkâ pêi troh cho pơkâ mơ’no troh hơnăm 2025. Pakĭng mê, lối 16.800 hectar loăng plâi, 142 kơdrum pêi châ xúa mâu ki rơkê khoa hok ƀă kŏng ngê̆; lối 116.600 rơpŏng pêt mơjiâng tơmeăm pêi lo ing chiâk deăng tơbleăng tung tíu mơdró điê̆n tưh.

Troh nôkố, kong pơlê Kon Tum hiăng ai 48 cheăm châ plah thôn pơlê nếo. Rơtế a mê, kong pơlê xuân hiăng ai 21 thôn châ plah kơpong kăn pơlê rêh ối thôn pơlê tiô túa ki nếo, 65 thôn, pơlê hdroâng kuăn ngo châ plah thôn pơlê nếo. Kố cho môi tung mâu tơdroăng ki xiâm vâ kong pơlê pêi pro mâu troăng pêi nếo, tơmiât pêi rơkê ƀă tơtro vâ mơdêk pơhlêh xúa kŏng ngê̆ tung pêi chiâk deăng ƀă mơnhông thôn pơlê rơkê.