Klêi kơ’nâi 5 hâi tơkŭm po ƀă ai hên tơdroăng ki pêi pro ai pơxúa, kong măng lơ 14/3, a Plông kân lơ 10/3 pơlê kong kơdrâm Ƀuôn Ma Thuột, Dak Lak hiăng po Leh mơgêi Hneăng po Leh tơbleăng kơphế Ƀuôn Ma Thuột rôh má 8, hơnăm 2023. Po sap ing hâi lơ 10/3 troh lơ 14/2, rôh po Hneăng Leh tơbleăng kố hiăng tơ’mot dâng 90 rơpâu ngế tơmối troh a Dak Lak, tung mê, ai 600 hdroh ngế tơmối kong têa ê.

18 tơdroăng ki xiâm dêi rôh po mơdĭng hiăng ‘măn chôu mâu tơdroăng ki hơniâp ro ăm kuăn pơlê. Hên tơdroăng ki kal châ hơ’lêh nếo, tơmiât rơkê tâ tá inâi “Ƀuôn Ma Thuột – Tíu troh kơphế lâp plâi tơnêi” hiăng châ pơtroh tơdroăng: Pơtó, tíu troh, Mot tơrŭm dêi kơphế Việt Nam.

A leh mơgêi, pôa Nguyễn Tuấn Hà, Kăn phŏ hnê ngăn má môi Vi ƀan kong pơlê Dak Lak, ngế pơkuâ khu tơkŭm po mơdĭng kố mơnhên tối: Po mơdĭng rôh kố ƀlêi chiâng tâ tơdroăng ki tơkôm, pơtối mơnhên ƀă mơđah tơbleăng rơdêi inâi kơphế Ƀuôn Ma Thuột.