Rơtế ƀă Trung tươ̆ng, Ngế khên tơnôu khu lêng kring vế tơniăn Kuăn pơlê Phạm Tuân, veăng tung tơdroăng “Rơtế veăng tung tơdroăng púi vâ ăm Droh rơtăm mâu phô̆m vâ xông kân tơring Tu Mrông ối ai ngế kuăn hdroâng kuăn ngo Rơteăng ki ƀlêi chiâng dêi tơring, nôkố pêi tung hên kơvâ cheăng ki phá tơ-ê dêi pó.

Ing mâu tơdroăng ki hơ’muăn tối rơrêk tung hiâm mơno tơkâ luâ xơpá tung rêh ối, tung hriâm tâp dêi tơná, mâu ngế ki châ krếo thế veăng tung tơdroăng kố hiăng veăng tơrŭm ivá kum mâu vâi o hok tro ai tơ’nôm tơdroăng ki loi tơngah tiô tơdroăng rơhêng vâ dêi tơná. A rôh po tơdroăng krếo thế mâu ngế veăng ƀă Vi ƀan hnê ngăn tơring Tu Mrông hiăng diâp 110 hnoăng liăn hriâm rơkê ƀă tâi tâng kơxô̆ liăn ai 55 rơtuh ăm 110 ngế hok tro ki rơkê tung hriâm tâp.

Trung tươ̆ng, Ngế khên tơnôu khu lêng kring vế tơniăn Kuăn pơlê Phạm Tuân ăm ‘nâi, pôa phiu ro drêng châ krếo veăng tung tơdroăng kố ƀă rơkong hnê pơchân kơnía kum mâu vâi o ai tơ’nôm tơdroăng loi tơngah tung tơdroăng ki rah xo tơdroăng cheăng tung la ngiâ dêi tơná.