A kố, Ngế pro xiâm hnê ngăn tơnêi têa pơkâ Khu pơkuâ Tíu chôu ‘măn poăng Pôa Hồ pơtối mơnhông khôi túa lĕm tro ƀlêi trâng, hiâm mơno pôu râng hnoăng cheăng a ngiâ Đảng, Tơnêi têa ƀă kuăn pơlê, đi đo mơdêk ivá vâ tung rêm tơdroăng cheăng thế pêi pro lĕm tro má môi hnoăng cheăng gâk kring ton xŏn, gâk kring păng ‘nâng châ chăn Pôa Hồ Chí Minh, Kăn xiâm hnê ngăn tơnêi têa hneăng apoăng.

Kal thế hbrâ, mơ-eăm ƀă mơnhông tâ mê nếo hiâm mơno tơmiât pêi rơkê, pơhlêh nếo vâ djâ tíu Plông kân Ba Đình ƀă mâu Tíu chôu ‘măn tơmeăm khoăng ton nah tơdjâk troh Pôa Hồ Chí Minh, Kăn xiâm hnê ngăn tơnêi têa hneăng apoăng ƀă Kơpong tơbâ Ngế khên tơnôu hlâ tung tơplâ xâ chiâng tíu hôp khôi túa lĕm tro, kal kí ƀă tơmiât troh cho tíu ‘’ti tăng vêh troh xiâm kối’’ dêi rêm ngế kuăn pơlê Việt Nam troh ƀă Hà Nội ƀă vêh ƀă Pôa. Tơkum po pêi lĕm tro, inhên mâu tơdroăng lăm pôu dêi kuăn pơlê ƀă tơmối lâp plâi tơnêi.