Klêi kơ’nâi leh tơdah péa Ngế pro xiâm hnê ngăn tơnêi têa tơkŭm po tơpui tơno a tíu pêi cheăng Ngế pro xiâm hnê ngăn kong têa Ấn Độ ƀă pôa Phạm Minh Chính, Ngế pro xiâm hnê ngăn tơnêi têa pin ai mâu roh tơpui tơno, trâm mâ khu râ kăn pơkuâ xiâm dêi Ấn Độ.

Roh lăm pôu pêi cheăng kố dêi Ngế pro xiâm hnê ngăn Chin phuh ai kơnâ kal khât, vâ mơnhên troăng hơlâ môi tuăn sap apoăng troh tá tui lui dêi Việt Nam nhuô̆m tơrŭm cheăng nhŏng o tiô khôi vâi krâ nah ƀă Khu tơrŭm cheăng Ton xŏn tâi tâng ƀă Ấn Độ, gum thăm krá tơniăn tơrŭm cheăng pơla Khu râ kăn pơkuâ péa tơnêi têa, ki má lối cho pơla péa Ngế pro xiâm hnê ngăn tơnêi têa.

Roh lăm pôu pêi cheăng châ péa pâ hbrâ inhên, nhuô̆m, tơdroăng hên hĭn, tơdroăng xiâm trâu rơdâ, păng ‘nâng, ƀă ki xiâm cho pro trâu hơngế tâ tung Khu tơrŭm cheăng ton xŏn Việt Nam - Ấn Độ tung mâu kơvâ cheăng.