Kơxo lơ 5/2, a Bình Định, pôa Phạm Minh Chính, Ngế pro xiâm hnê ngăn Chin phuh pơkuâ hneăng Hôp tơbleăng Tơdroăng pêi dêi Chin phuh tung pêi tơdroăng pơkâ kơxô̆ 26 dêi khu xiâm kal kí ‘na troăng rơhlâ mơhnhôk mơdêk cheăng kâ - rêh ối pơlê pơla tơniăn cheăng lêng, kring vế tơniăn kơpong peăng Kơnhŏng Tơdế tơnêi têa ƀă kĭng têa kơxĭ tơdế tơnêi têa troh hơnăm 2030,  hvái ngăn troh hơnăm 2045 ƀă mơdêk ‘no liăn ing kơpong.  Tơbleăng a hneăng hôp, pôa Phạm Minh Chính pơkâ thế, mâu khu xiâm, kơvâ cheăng ƀă 14 kong pơlê tung kơpong thâ mơjiâng tơdroăng pơkâ, pêi pro vâ pê klêi, tơƀrê pơkâ kơxô̆ 26 dêi khu xiâm kal kí, tơdroăng pêi pro dêi Chin phuh.

Tung mê tối nhên, tơkŭm pê klêi luât pơkâ, hdró kơpong ƀă luât pơkâ tơrŭm cheăng tung kơpong; pơ’lêh túa cheăng kâ, mơnhông cheăng kâ a têa kơxĭ; Mơnhông mơdêk kơphô̆, mơdêk ‘no liăn mơjiâng tơmeăm khoăng xúa tung cheăng kâ - rêh ối, malối ‘na troăng prôk; Rak ngăn ƀă xúa tơmeăm khoăng ki ai hlâu, malối cho têa kơxĭ, chuăn ƀă kong; Mơnhông tâi tâng ‘na mơhno túa lĕm tro - rêh ối pơlê pơla; Tơniăn kơpong cheăng lêng, kring tơniăn, mơdêk  tơƀrê tơdroăng cheăng tơpui kâ.