Kơmăng lơ 29/1, a Pơlê kong kân Hồ Chí Minh, pôa Phạm Minh Chính, Ngế pro xiâm hnê ngăn tơnêi têa veăng leh koh hơnăm nếo ƀă pơkâ luât pêi cheăng kâ a poăng hơnăm dêi kơno tuk Tân Cảng Cát Lái dêi Kŏng ti xiâm Tân Cảng Sài Gòn  hlối hlo ƀă mâ mâu container chơ tơmeăm kô châ tê ăm kong têa ê apoăng rơnó Hơngui Qúy Mão 2023. Pôa Phạm Minh Chính, Ngế pro xiâm hnê ngăn tơnêi têa ăm ‘nâi, hơnăm 2023, tơdroăng tung lâp plâi tơnêi xuân môi tiah tơdroăng tung tơnêi têa ai hên tơdroăng pá tơvâ tơvân, pá vâ ‘nâi hdrối; tung mê ki xơpá, pơloăng mơnúa hên.

Mơhé ti mê, pin xuân ối khên tơnôu kô mơ-eăm pêi klêi mâu tơdroăng pơkâ mơnhông cheăng kâ rêh ối hơnăm 2023: rak tơniăn cheăng kâ kân, séa ngăn mơdât liăn ôh tá ai yă, mơdêk ƀă pro tơniăn tơdâng tơ’mô kân dêi tơdroăng cheăng kâ. Tối tơbleăng a hâi leh, Ngế pro xiâm hnê ngăn Chin phuh ƀă mâu kăn hiăng pêi pro tiô luât pơkâ chơ tơmeăm ki apoăng hơnăm Qúy Mão 2023 dêi Kơno tuk Tân Cảng - Cát Lái, Kŏng ti xiâm Tân Cảng Sài Gòn, djâ mâu tơdroăng púi tơngah tuăn loi a môi hơnăm pêi cheăng tê rôe tơmeăm kong têa ê hên, pêi cheăng châ tơƀrê, ƀă kơxô̆ liăn pêi lo tâk hên.