Hdrối mê, kơxo lơ 9/2 (tiô chôu kong têa kố), pôa Phạm Minh Chính Ngế pro xiâm hnê ngăn Chin phuh ƀă kơdrâi pôa troh pleăng reăng tơbâ a tíu meăn tơbâ inâi Hồ Chí Minh, Kăn xiâm hnê ngăn tơnêi têa hneăng apoăng a  Tíu mơ đah tơbleăng mâu tơmeăm ki lĕm tro rơkê plĕng châu Á ƀă pôu ngăn kơdrum nhâ loăng Singapore.

Tíu mơđah tơbleăng um tơmeăm lĕm tro rơkê plĕng châu Á cho pakĭng têa kroăng Singapore, cho tíu mơđah tơbleăng ki vâi ô eăng tung kơpong châ pro krê vâ tí tăng ‘nâi plĕng ‘na tơmeăm ngê̆ thuât dêi châu Á; hdró ki tơdjêp ing ton nah pơla mâu túa lĕm tro dêi châu Á ƀă pơla châu Á ƀă lâp plâi tơnêi.

Tung tíu tơbleăng kân rơdâ a tíu mơđah mê, rơtế ƀă um Hồ Chí Minh, Kăn xiâm hnê ngăn tơnêi têa ƀă hên mâu kăn ki ê, mâu ngế rơkê dêi châu Á ki ê châ ‘măn a tíu ki krip lê̆m. Ngế pro xiâm hnê ngăn Chin phuh, kơdrâi pôa ƀă mâu kăn hiăng troh pleăng reăng, nhoăm pâ mơnê kân kĭn kơ um Hồ Chí Minh, Kăn xiâm hnê ngăn tơnêi têa apoăng, ngế khên tơnôu pro tơleăng lĕm hdroâng mơngế, ngế rơkê mơhno ki  lĕm tro dêi lâp plâi tơnêi.