Tơdroăng tơkêa bro kố ai xŏn dâng 519 km, prôk tơkâ 9 kong pơlê, ai tâi tâng kơlo liăn mơ’no dâng 22 rơpâu rơtal liăn, châ pơxiâm pro sap ing apoăng hơnăm kố. Troh nôkố, hiăng kêi đeăng tăng tơnêi, kêi đeăng tâp pro trăng, pêi kêi đeăng tăng tơmeăm pro, tơmeăm pêi cheăng ăm mâu tíu ki mơjiâng pro...

Mâu tơdroăng tá hâi kêi đeăng ki hên ối tung péa kong pơlê Nghệ An, Hà Tĩnh; dế châ thâ mơjiâng pro mâu tơmeăm ki ê vâ pêi kêi đeăng, tơpâ on tơhrik hdrối hâi lơ 19/8/2024. Pôa Phạm Minh Chính, Ngế pro xiâm hnê ngăn tơnêi têa tối nhên, troăng kơxái on tơhrik 500 kV măch 3 kơnâ kal khât, mơdêk mơjiâng pro on tơhrik ăm peăng Kơnhŏng, kum rak tơniăn ăm mơjiâng pro, xúa dêi kuăn pơlê, khu tê mơdró. Ngế pro xiâm hnê ngăn Chin phuh pơcháu hnoăng cheăng inhên ăm rêm khu xiâm, kơvâ cheăng, kong pơlê, tíu cheăng; tơdrêng amê hnê mơhno mâu khu cheăng tơrŭm krá tơniăn, tŏng kum dêi pó pêi kêi đeăng lĕm tro hnoăng cheăng.