Xông tơpui a hneăng hôp, pôa Phạm Minh Chính - Ngế pro xiâm hnê ngăn tơnêi têa pơkâ thế mâu kăn teăng mâ tơkŭm tuăn ngôa rơkê, pơtối hiâm mơno pơhlêh nếo, tơbleăng, xông tơpui, tơpui tơkŭm tung mâu tơdroăng môi tiah mơdêk tâ mê nếo tơdroăng pêi pro pơkâ ‘’tơrŭm krá tơniăn pơla mơjiâng luât ƀă tơkŭm pro luât, rak tơniăn luât châ pêi pro tơdâng tơ’mô, kơtăng, môi tuăn sap apoăng troh tá tui lui, teăm tơdrêng, xêt khât, châ tơƀrê’’ tiô Mơ-éa ki kal Hneăng hôp Đảng roh má XIII ƀă Pơkâ kơxô̆ 27 ‘na pơtối mơjiâng ƀă kêi đeăng Tơnêi têa pêi cheăng tiô luât xah hô̆i chuh ngiah Việt Nam.

Pơkâ mâu troăng vâ tah lôi mâu tơdroăng pá puât, tơvâ tơvân, tah lôi mâu tơdroăng ki pá, tá hâi tro tung mơjiâng mâu Luât, Pơkâ môi tiah: Tơdroăng tơkŭm pêi pro ối hrá; Tơdroăng chĕn, hrá tơbleăng mơ-éa pơkâ inhên; Tơdroăng séa ngăn mơ-éa luât tá hâi châ tơmâng tro tơdroăng.