A rôh tơdah, Ngế pro xiâm hnê ngăn tơnêi têa phiu ro châ trâm kăn teăng mâ drêng Ngế pro xiâm hnê ngăn tơnêi têa hbrâ lăm pôu mâu kong têa châu Âu ƀă veăng hôp mâu Kăn xiâm tơbâ 45 hơnăm tơrŭm cheăng pơla ASEAN – EU -  hdró ki kal tung tơrŭm cheăng tơpui kâ dêi ASEAN - EU. Ngế pro xiâm hnê ngăn tơnêi têa tối tơdroăng cheăng kâ - rêh ối 11 khế apoăng hơnăm, mâu hnoăng cheăng pêi tung tơdroăng pơ’lêh nếo xuân môi tiah mâu tơdroăng pơkâ mơnhông mơdêk ki Hneăng hôp Đảng tung lâp tơnêi têa rôh má 13 ai pơkâ, Ngế pro xiâm hnê ngăn tơnêi têa tối Việt Nam môi tuăn pêi pro tiô troăng rơhlâ tơpui kâ tơniăn, pơkuâ dêi, hên troăng, hên tơdroăng cheăng; mơ-eăm tơrŭm cheăng ƀă lâp plâi tơnêi trâu rơdâ, tơdrăng khât, tơƀrê pơxúa ƀă hên ki ê.

Ngế pro xiâm hnê ngăn tơnêi têa pơkâ thế péa pâ pơtối tơrŭm krá vâ pêi tơƀrê tơdroăng Kĭ tơhrâ tê mơdró tơniăn EVFTA ƀă mơdêk mâu kong têa tung khu ki u ối rĕng kĭ tơhrâ Tơrŭm cheăng kring vế ‘no liăn chiăng EVIPA; mơdêk tơrŭm tê mơdró - ‘no liăn cheăng rak tơniăn ki pơxúa, ôh tá tro lŭp tung hnê mơhno, rơtế pêi tơƀrê; pơtối pêi mâu tơdroăng tơkêa bro tơrŭm cheăng ƀă mơnhông mơdêk ăm Việt Nam.