Tung rôh lăm pôu pêi cheăng a kong pơlê Quảng Ninh, Đại tướng Phan Văn Giang, ngế xiâm pơkuâ ngăn lêng troh lăm pôu, pêi cheăng a Đông tơkăng kong Pò Hèn ƀă chôu nháng a tíu meăn tơbâ inâi mâu lêng khên tơnôu ki hlâ a Pò Hèn (pơlê kong kơdrâm Móng Cái). Khĕn kơdeăn khât mâu tơdroăng cheăng dêi kăn ƀô̆, mâu lêng Đông tơkăng kong Pò Hèn, pôa Phan Văn Giang púi vâ đông lêng kố pơtối rak vế ki lĕm tro dêi Mố đô̆i Pôa Hồ, mơ-eăm tơkâ luâ xơpá pê klêi hnoăng cheăng pơcháu; pêi tro tơdroăng tí tăng ‘nâi plĕng ƀă râ kăn Đảng, mâu kăn kong pơlê mơjiâng tíu tơkăng kong tâi tâng kuăn pơlê ƀă kring gak tơkăng kong krá tơniăn.

A Tíu meăn tơbâ mâu lêng tơplâ khên tơnôu Pò Hèn, Đại tướng Phan Văn Giang rơtế ƀă mâu kăn ki pêi cheăng nhoăm chôu nhang, ‘măn hơvĭng reăng tơbâ mâu lêng hlâ xua ai hnoăng tung rôh tơplâ kring gak tíu tơkăng kong vâ tơniăn, hnoăng pơkuâ, tơniăn tung lâp tơnêi têa.