Pêi tiô tơdroăng kâng pro rơchôa Krông Pač thượng, sap apoăng hơnăm troh nôkố, Khu ngăn on tơhrik Ea Kar (Dak Lak) dế tơrŭm krá ƀă mâu ngế cheăng ngăn ‘na xĕn kuăn pơlê ối tíu ê, mơhno ăm tíu pro pơlê nếo ăm mâu  rơpŏng kuăn pơlê a cheăm Čư̆ San (tơring Ea Kar).

Tiô pơkâ, sap apoăng khế 2 troh tâi khế 4/2023 kô ai 488 rơpŏng kuăn pơlê xĕn lo ing kơpong long têa Krông Pač thượng vêh lăm ối a cheăm Čư̆ Bông. Khu ngăn on tơhrik Ea Kar hiăng tơkŭm pro 2 khu pêi cheăng kum tơdroăng xĕn kuăn pơlê.

Khu má 1 kơjo kum tah mâu kơxái on tơhrik a Čư̆ San. Khu má 2 kơjo kum krâ pro on tơhrik a kơpong pơlê nếo Čư̆ Bông vâ rĕng kum kuăn pơlê châ tơniăn tung rêh ối cheăng kâ. Troh apoăng khế 3, mâu khu ki mê hiăng kơjo kum 46 rơpŏng xĕn ối pơlê nếo, mơjiâng pro hngêi ối tơniăn a tíu ki nếo.