Hơnăm kố, Kŏng ti on tơhrik Dak Lak hiăng pêi pro tro mâu hnoăng cheăng châ pơcháu, cho môi tung mâu tíu cheăng djâ troăng ahdrối tung mơjiâng tơmeăm tê mơdró dêi Kŏng ti on tơhrik peăng Tơdế tơnêi têa. Tung 11 khế dêi hơnăm 2022, on tơhrik mơdró dêi PC Dak Lak châ 1.800 rơtuh kWh, tâk 2,8% tâng pơchông ƀă roh kố hơnăm nah; tơdroăng tro lŭp on tơhrik 4,4%, kơdroh 0,25% tâng pơchông ƀă roh kố hơnăm nah ƀă iâ tâ 0,6% pơkâ pêi. Mâu pơkâ ‘na tơdroăng loi tơngah mơ’no ăm on tơhrik, hên kơxô̆ xo liăn on tơhrik pơrá pêi pro châ ƀă hluâ pơkâ mơ’no châ pơcháu. Tung tơdroăng mơ’no liăn cheăng, hơnăm kố, PC Dak Lak châ pơcháu lối 233 rơtal liăn pêi pro pơkuâ 90 tơdroăng tơkêa bro.

Tiô tối hdrối troh tâi hơnăm 2022, on tơhrik Dak Lak kô mơ’no liăn cheăng tơnêi têa châ lối 95%, kum thăm mơnhông pêi pro hnoăng cheăng mơnhông mơdêk cheăng kâ kong pơlê.