Leh mơdĭng plâi sầu riêng ƀă pơxá “Sầu riêng Krông pắc- mơnhông  hlối tơrŭm” po sap kơmăng hâi lơ 31/8 troh hâi lơ 2/9 a tơdế pơlê kân Phước An ƀă mâu cheăm tung tơring Krông Pắc, kong pơlê Dak Lak. Ƀă tơdroăng po leh pơxiâm, leh mơgêi ai pĕng mlŏi reăng ki tơviah,  tung tơdroăng pro leh mơdĭng kô pêi mâu tơdroăng cheăng mê cho: hneăng tơ’noăng kuăn pơlê pêi chiâk rơkê; Po kơchô   tê tơmeăm pê lo OCOP; Hâi leh pơchên  kơchâi kâ  mâu hdroâng kuăn ngo; mơnúa kâ ngăn  plâi sầu riêng a kơdrum....Rơtế ƀă cheăm tơring tung tơdroăng tơkŭm po leh plâi sầu riêng a Krông Pắc  Dak Lak hiăng pê klêi troăng hơlâ  tơniăn ‘na mơ’no on tơhrik.

Kơvâ ngăn on tơhrik  hiăng séa ngăn, tăng ngăn tâi tâng mâu troăng kơxái ƀă troăng kơxái kân ƀă tíu krâ ‘măn kơmăi biến áp lăm nống ukố umê ƀă mơhno tíu ăm kơmăi vâ mơ’no on tơhrik  hbrâ rơnáu mâu tơdroăng leh mơdĭng a Plông kân Tân An.