Hơnăm 2022, Kŏng ti on tơhrik Dak Nông hiăng pêi pro tro mâu pơkâ pêi, hnoăng cheăng mơjiâng pro tơmeăm tê mơdró, xing xoăng ăm on tơhrik tơniăn, đi đo, kum ăm mâu tơdroăng mơnhông mơdêk cheăng kâ – rêh ối pơlê pơla, tơdroăng rêh ối dêi kuăn pơlê. Sap apoăng hơnăm troh nôkố, kơxô̆ on tơhrik tê mơdró a Dak Nông châ lối 520 rơtuh kWh, tâk 6,5% tâng pơchông ƀă roh kố hơnăm hdrối.

Troh nôkố, tâi tâng mâu ngế ki xúa on tơhrik dêi kŏng ti châ xing xoăng ăm 12 tơdroăng mơdró on tơhrik ing Tíu xiâm rak ngăn mơngế ki rôe xúa on tơhrik ƀă Kŏng tê mơdró tơnêi têa; lối 95% ngế ki rôe xúa on tơhrik ing troăng Internet ƀă tiô troăng điê̆n tưh. Bu ƀă phôn râng kŏng rơkê tơdjêp Internet cho kuăn pơlê hiăng châ hlo dêi kơxô̆ xúa on tơhrik rêm hâi, rêm khế, tối hdrối tơdroăng ki tơ’nhê on tơhrik, pơkâ rơnêu ƀă hía hé; tơdrêng amê tŏng kum chêl liăn on tơhrik rĕng má môi.