A rôh trâm mâ, Bùi Thanh Sơn - Ngế pro xiâm phŏ hnê ngăn tơnêi têa tối,  Việt Nam ngăn mơnhông tơrŭm cheăng ƀă Sinuâ; khê̆n kơdeăn khât mơnhông tơƀrê ƀă mâu tơdroăng hiăng pêi pro hlo tơƀrê ki kal dêi tơrŭm cheăng péa Đảng, péa tơnêi têa tung pơla hdrối kô hía nah.

Pôa Hàn Chính - Kăn xiâm phŏ hnê ngăn kong têa Sinuâ hâk mơnê pôa Bùi Thanh Sơn - Ngế pro xiâm phŏ hnê ngăn tơnêi têa lăm pôu Sinuâ, hlối pơkuâ rôh Hôp má 16 Vi ƀan hnê mơhno tơrŭm cheăng péa pâ; tối Sinuâ ngăn nhoăm tơrŭm cheăng péa pâ, tối tung la ngiâ ai pơxúa ƀă Việt Nam, ngăn mê cho troăng pêi pro ki ahdrối tung luât pơkâ tơpui kâ cho kong têa achê dêi Sinuâ, veăng kum Việt Nam  pêi tơdroăng cheăng pơ’lêh  nếo, kơmăi kơmok tiô túa nếo, péa pâ vâ môi tuăn mơdêk tơrŭm hnê mơhno tơrá mâu kăn, mâu kơvâ cheăng, mâu kong pơlê péa tơnêi têa tơrŭm krá, kơhnâ tơbleăng pêi mâu tơdroăng tơhrâ ƀă hlê plĕng tơdjuôm dêi mâu kăn veăng pro trâu rơdâ tâ nếo tơrŭm cheăng tung tŭm tơdroăng, mâu kuăn pơlê tối tung la ngiâ Việt Nam - Sinuâ  kô ai pơxúa tung tŭm tơdroăng.