Kơxê lơ 2/2, a Hà Nội, Khu cheăng tung Tíu xiâm Tơnêi têa tơkŭm po Rôh hôp tơbleăng tơdroăng pơlâ dêi Khu pơkuâ hnê ngăn Đảng Tơnêi têa ‘na hnoăng cheăng dêi mâu kăn ƀô̆. A rôh hôp, pôa Phan Thăng An, kăn phŏ pơkuâ Khu cheăng tung tíu xiâm Tơnêi têa hiăng diâp Pơkâ kơxô̆ 778 dêi Khu pơkuâ hnê ngăn Đảng, pôk pôa Đặng Văn Dũng, ngế kum cheăng ăm kăn pơkuâ Khu pơkuâ cheăng tíu xiâm Tơnêi têa pro kăn phŏ pơkuâ Khu pơkuâ cheăng tíu xiâm Tơnêi têa.

Tơpui hnê mơhno ƀă pơcháu hnoăng cheăng ăm pôa Đặng Văn Dũng, pôa Phan Đình Trạc, kăn xiâm pơkuâ tíu xiâm Tơnêi têa tối nhên: pôa Đặng Văn Dũng cho môi ngế kăn ƀô̆ ki rơkê sap ing tíu pei cheăng ki kŭn ƀă tơkâ luâ hên tíu pêi cheăng phá tơ-ê dêi pó, đi đo hriâm pât mơ-eăm, pêi pro tro mâu hnoăng cheăng ki châ pơcháu, ing mê tối nhên ivá khên tơnôu ‘na tơdroăng cheăng kal kí, hiâm mơno rêh ối lĕm, ivá pêi cheăng ki ai khât.

Pôa Phan Đình Trạc rơhêng vâ tung hnoăng cheăng nếo, pôa kô mơ-eăm hên tâ, pôa Đặng Văn Dũng pơtối pêi pro ƀlêi mâu tơdroăng ki kơjo kum dêi tơná tung pơla hdrối nah, vâ mơ-eăm, pêi klêi tro má môi hnoăng cheăng châ pơcháu.