Pôa Lê Minh Hưng, Ngế pro xiâm hnê ngăn tơnêi têa tơdah Ngế pơkuâ kong pơlê Yamanashi, Nhuk
Thứ ba, 13:42, 12/05/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Kơxê lơ 11/5, a tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa hiăng tơdah pôa Nagasaki Kotaro, Ngế pơkuâ kong pơlê Yamanashi, Nhuk dế ai rôh pôu, pêi cheăng a Việt Nam.
A rôh tơdah, Péa ngế xiâm pơkuâ phiu ro drêng hlo tơrŭm cheăng Việt Nam – Nhuk mot tung hơnăm má 3 pơtối ivá mơnhông rơdêi, ai pơxúa, tơƀrê tung mâu kơvâ cheăng ƀă tơdroăng loi tung cheăng kal kí. Nhuk pơtối cho tơnêi têa cheăng kâ ki kal dêi Việt Nam, cho ngế tơrŭm cheăng kơxô̆ 1 ‘na tơrŭm ODA ƀă pêi cheăng, cho ngế ki ‘no liăn hên má 3, ngế ki tơrŭm cheăng tê mơdró ƀă ôm hyô ối má 4.
Tơrŭm cheăng kong pơlê ƀă trâm mâ kuăn pơlê pơla péa tơnêi têa rế hía rế tơniăn ƀă lối 100 rôh tơrŭm cheăng kong pơlê, tung mê ai hnoăng cheăng dêi pơlê pơla 5.000 ngế Việt Nam a kong pơlê Yamanashi ƀă 40 khu mơdró kâ kong pơlê Yamanashi a Việt Nam.
Viết bình luận