Pôa Lê Minh Khái, Ngế pro xiâm phŏ hnê ngăn tơnêi têa veăng tơdroăng ki kal “Bình Dương: Pơxiâm pêi cheăng – tơdjêp – mơnhông mơdêk nếo”
Thứ ba, 09:15, 28/03/2023
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Pôa Lê Minh Khái, Ngế pro xiâm phŏ hnê ngăn tơnêi têa rơtế khu râ kăn pơkuâ mâu khu xiâm, kơvâ cheăng tơnêi têa nếo veăng tơdroăng ki kal “Bình Dương: Pơxiâm pêi cheăng – tơdjêp – mơnhông mơdêk nếo’’. Pôa Lê Minh Khái, Ngế pro xiâm phŏ hnê ngăn Chin phuh mơnhên, Bình Dương cho kong pơlê veăng kum hên ăm liăn ngân tơnêi têa ƀă mơnhông
Klêi kơ’nâi lối 25 hơnăm, Bình Dương hiăng xông chiâng kong pơlê mơnhông mơdêk rơdêi ‘na kơmăi kơmok, tê mơdró. Ngế pro xiâm hnê ngăn tơnêi têa pơkâ thế, Bình Dương kal tơkŭm pêi pro châ tơƀrê tơdroăng pêi cheăng dêi Chin phuh tiô Pơkâ kơxô̆ 24 – pơkâ Tơnêi têa dêi Khu xiâm kal kí ƀă pơkâ pêi dêi kong pơlê.
Bình Dương pêi pro kơtăng tơdroăng mơ’no liăn cheăng tơnêi têa; thăm mơhnhôk xúa châ tơ-ƀrê mâu kơxô̆ liăn ăm mơnhông mơdêk, ki rơhêng vâ tối cho tơrŭm tơnêi têa ngế krê vâ mơhnhôk kơxô̆ liăn ing khu tê mơdró, kuăn pơlê, pơlê pơla tiô pơkâ tơtro pơxúa.
Bình Dương kal ‘nâi tơdroăng vâ tah lôi pá puât tung pêt mơjiâng tơmeăm, tê mơdró, rak ngăn tơdroăng rêh ối mơngế pêi cheăng; pêi lĕm tro pơkâ pêi tơdjuôm dêi kong pơlê.
Viết bình luận