Leh tơbâ 80 hơnăm Kăch măng Khế tơheăm châ tơƀrê ƀă Hâi mơjiâng tơnêi têa lơ 2/9, a Tíu xiâm Hneăng hôp lâp tơnêi têa, Hà Nội, Vi ƀan Xiâm Măt trâ̆n Tơnêi têa Việt Nam tơkŭm po kân krip Hneăng hôp trâm mâ dêi khu râ kăn pơkuâ hnê ngăn Đảng, Tơnêi têa ƀă kăn teăng mâ mâu râ kuăn pơlê. Xông tơpui a roh trâm mâ, pôa Lương Cường, Kăn xiâm hnê ngăn tơnêi têa tối nhên ing pơkuâ dêi Đảng Kŏng san Việt Nam, Mât trâ̆n Tơnêi têa Việt Nam đi đo rak hnoăng ki xiâm kal kí, cho toăng hngêi tơdjuôm tơkŭm, tơrŭm môi tuăn mâu râ pơlê pơla, mâu hdroâng kuăn ngo, tơdroăng tiô khôp, mơngế Việt Nam a tung ƀă pakong tơnêi têa, mơjiâng ivá ó rơdêi dêi khu tơrŭm môi tuăn tâi tâng hdroâng mơngế.

Kăn xiâm hnê ngăn tơnêi têa pơkâ thế Măt trâ̆n Tơnêi têa Việt Nam mâu râ kal hbrâ, tơmiât pêi rơkê tâ mê nếo tung tơdroăng mơnhông hnoăng, tuăn ngôa rơkê dêi khu pú hên, ngế krê ki kơhnâ rơkê tung mâu râ kuăn pơlê, kuăn pơlê mâu hdroâng kuăn ngo, tơdroăng loi tĭng, tiô khôp, khu tê mơdró ƀă mơngế Việt Nam a kong têa ê, kum hnê hriâm khôi túa lĕm vâi krâ nah, tơbêng troăng tơmiât pêi kăch măng ƀă mơnhông tơdroăng ki pleăng dêi rơxông ối nếo kăch măng ƀlêi trâng dêi hdroâng mơngế tung chal nếo.