Hneăng hôp hiăng têk kŏng môi tuăn tơbleăng Tơdroăng pơkâ mơnhên tơdroăng châ tơƀrê ăm pơtê pro Kăn hnê ngăn Hô̆i đong kuăn pơlê kong pơlê hneăng má X hơnăm 2021 – 2026 ƀă pôa Trần Hồng Thái, xua hiăng châ rah ăm pêi cheăng, rah xo ăm pro Phŏ Kăn hnê ngăn hnê mơhno má môi Viê̆n Hàn lâm Khoa hok ƀă Kŏng ngê̆ Việt Nam sap hâi lơ 3/9/2025.

Tơdrêng amê, rah xo pôa Lưu Văn Trung, Phŏ Kăn pơkuâ hnê ngăn Đảng ủi Lâm Đồng to pro Kăn hnê ngăn Hô̆i đong kuăn pơlê kong pơlê Lâm Đồng hneăng má X, hneăng hơnăm 2021 – 2026, ƀă kơxô̆ phĭu vâ môi tuăn 110/112. A hneăng hôp, Hô̆i đong kuăn pơlê kong pơlê Lâm Đồng xuân hiăng môi tuăn tơdroăng châ tơƀrê rah xo tơ’nôm Kăn cheăng tung Vi ƀan kong pơlê Lâm Đồng hneăng hơnăm 2021 – 2026 ƀă pôa Hoàng Văn Bằng, Tĭnh ŭy viên, Kăn pơkuâ Khu pơkuâ pêi cheăng ƀă pa kong, kong têa ê.