A hneăng hôp pôa Dương Văn Trang - Kăn pơkuâ hnê ngăn cheăng Đảng kong pơlê Kon Tum hiăng diâp Pơkâ dêi Khu pơkuâ hnê ngăn cheăng Đảng tơnêi têa rah xo pôa Nguyễn Đức Tuy to pro Kăn phŏ pơkuâ hnê ngăn cheăng Đảng kong pơlê Kon Tum hneăng hơnăm 2020 – 2025.

Pôa Nguyễn Đức Tuy kot mâ lơ 5/6/1973, pơlê xiâm cheăm Hoài Đức, tơring Hoài Nhơn, kong pơlê Bình Định; hriâm: Đăi hok Kinh tê̆; hriâm kân: Tiê̆n sih Kinh tế; Lĭ luâ̆n chĭnh trĭ: Kao kâp. Xông tơpui tơdah hnoăng cheăng, pôa Nguyễn Đức Tuy, Kăn phŏ pơkuâ hnê ngăn cheăng Đảng kong pơlê Kon Tum tối mơnê trâu khât Khu xiâm pơkuâ hnê ngăn cheăng Đảng, Khu kăn pơkuâ hnê ngăn Đảng Kon Tum, khu râ kăn pơkuâ kong pơlê mâu rơxông hiăng tơmâng tŏng gum, loi tơngah pơcháu hnoăng cheăng ki kal. Kố cho hâk tơngăm dêi châ tơná, tơdrêng amê xuân cho hnoăng, tơdroăng ki kân; kô pêi tâi ivá, veăng kum mơjiâng kong pơlê Kon Tum rế hía rế mơnhông.