Tơbâ 93 hơnăm hâi mơjiâng Đảng Kŏng sản Việt Nam (03/02/1930-03/02/2023), kơxo lơ 6/2, a tíu pêi cheăng xiâm Đảng, pôa Nguyễn Phú Trọng, Kăn hnê ngăn Đảng pơkuâ,  Khu xiâm kal kí, Khu cheăng hnê ngăn Đảng tơkŭm po hôp trâm mâ apoăng rơnó Hơngui Qúy Mão 2023 ƀă mâu kăn xiâm  Đảng, Tơnêi têa, Măt trâ̆n Tơnêi têa Việt Nam, mâu kăn xiâm Đảng dêi mâu hneăng hdrối nah.

Tơbleăng a roh trâm mâ, pôa Nguyễn Phú Trọng tối nhên tung pơla ối hên xơpá, pơloăng mơnúa, Kăn xiâm Đảng, Tơnêi têa hiăng đi đo tơrŭm môi tuăn, tơrŭm krá, hriăn plĕng ki nếo vâ ai mâu pơkâ tro teăm tơdrêng, tơtro vâ kăn hnê mơhno tâi tâng Đảng, tâi tâng kuăn pơlê châ pêi mâu tơdroăng ki kal, tâi tâng mâu pơkâ, pêi.  Pôa Nguyễn Phú Trọng tối, púi vâ tung la ngiâ mâu kăn xiâm Đảng, Tơnêi têa ƀă tơdroăng vâ mơ-eăm ƀă mâu tơdroăng ki kơnía dêi tơná, ngăn tiô kơ rêm ngế kô pơtối ăm hnoăng pleăng ƀă ‘no ƀă tơdroăng cheăng kăch măng lĕm tro dêi Đảng, Tơnei têa ƀă kuăn pơlê.