Drêng tơbâ 70 hơnăm Hâi mơjiâng khu ki rak vế Kŏng an nhân dân (16/2/1953 - 16/2/2023), pôa Nguyễn Phú Trọng, kăn xiâm pơkuâ hnê ngăn Đảng hiăng pơtroh kơthô rơkâu. Tung kơchô ai tíu chêh: Drêng kố, á pâ pơtroh rơkong kơ-êng troh mâu nhŏng o mâu rơpŏng ki ai ngế hlâ, mâu vâi pú ki tro rong, mâu ngế ki châi tamo, mâu ngế ki ai hnoăng ƀă kăch măng dêi khu rak vế Kŏng an nhân dân.

Hâk tơdah rơkâu ƀă kheăn kơdeăn mâu tơdroăng ki pêi pro ƀlêi chiâng, ivá veăng kum kân kĭn ki khu lêng rak vế Kŏng an nhân dân hiăng pêi pro tung plâ 70 hơnăm hdrối nah. Tung pơla tơnêi têa dế pơxiâm mot tung chal ki nếo mơnhông, mot tơrŭm ƀă kong têa ê tơrŭm tung tâi tâng, trâu hngế, pơkâ thế hnoăng cheăng pơkâ mơ’no ăm khu lêng lêng rak vế Kŏng an nhân dân tối tơdjuôm ƀă khu lêng rak vế Kŏng an nhân dân tối krê cho hngăm ó khât, la xuân hâk tơngăm, khên tơnôu.

Á loi tơngah tiah kố, khu ki rak vế Kŏng an nhân dân Việt Nam đi đo tơxâng ƀă inâi Ngế khên tơnôu kring vế kuăn pơlê, pêi klêi rơkê mâu tơdroăng cheăng ki Đảng, Tơnêi têa ƀă Kuăn pơlê loi tơngah, pơcháu.