Kơxê lơ 21/2 a tiú pêi cheăng xiâm Đảng, pôa Nguyễn Phú Trọng, kăn xiâm pơkuâ hnê ngăn Đảng hiăng tơdah Khu kăn xiâm Đảng Phong trào Cánh tả Thống nhất (MIU), xua kăn xiâm pơkuâ hnê ngăn Đảng cho pôa Mejia Abreu Jose Miguel, Ngế xiâm pơkuâ troăng hơlâ mot tơrŭm kơpong Kŏng hòa Dominica djâ khu kăn pôu pêi cheăng a Việt Nam, sap ing hâi lơ 18/2 troh hâi lơ 26/2/2023.

A rôh tơdah, pôa Nguyễn Phú Trọng, kăn xiâm pơkuâ hnê ngăn Đảng tối nhên, Đảng, Tơnêi têa Việt Nam đi đo ngăn nhuô̆m tơrŭm cheăng, tơrŭm tung hên kơvâ cheăng ƀă mâu kong têa, mâu đảng ki tơrŭm tiô khôi hmâ, tung mê ai Kŏng hòa Dominica ƀă Đảng MIU. Pôa Nguyễn Phú Trọng phiu ro tơrŭm cheăng krá tơniăn ƀă rế hía rế tơƀrê pơla Đảng Kŏng san Việt Nam ƀă Đảng MIU ƀă mâu khu xiâm Đảng kal ki ê a Kŏng hòa Dominica. Kăn xiâm pơkuâ hnê ngăn Đảng pơkâ thế péa pâ pơtối tơrŭm krá rơdêi, tơbleăng tơƀrê mâu túa pơkâ tơrŭm cheăng pơla péa đảng.

Kăn xiâm pơkuâ hnê ngăn Đảng tối nhên, tơdroăng tơrŭm cheăng kal kí tơniăn lĕm ƀă tơ’lêi vâ péa tơnêi têa po rơdâ ƀă pro trâu hngế tâ mâu kơvâ cheăng tơrŭm pơla péa tơnêi têa.