Pôa Nguyễn Phú Trọng, Kăn xiâm hnê ngăn tơnêi  khěn kơdeăn tơdroăng hôp tơpui pơla Kăn xiâm hnê ngăn Kuô̆k hô̆i Pơhlăng ƀă pôa Vương Đình Huệ, Kăn xiâm hnê ngăn Kuô̆k hô̆i tơnêi têa têa pin, tơpui tơdroăng kal dêi Kuô̆k hô̆i Việt Nam tung rêh ối tơnêi têa ƀă tung tơrŭm cheăng tơpui kâ pơla Việt Nam, tối nhên hnoăng cheăng dêi Kơ koan mơjiâng luât péa tơnêi têa tung tơrŭm pơla péa pâ, pâ thế péa pâ pơtối rak vế tơmeăm khoăng ai hlâu tơrŭm cheăng kân tâ ƀă mâu hnoăng tơrŭm cheăng hiăng châ pêi pro tung pơla hdrối nah, mơdêk tơpui tơno, trâm mâ mâu kăn ƀă rêm râ tung tâi tâng khu râ Đảng, Tơnêi têa, Kuô̆k hô̆i  ƀă kuăn pơlê, mơdêk tơrŭm, hnê tối troăng rơhlâ tơná pêi pơla kơ koan mơjiâng dêi péa tơnêi têa tung mâu hneăng hôp hên troăng.

Pôa Nguyễn Phú Trọng xuân pơkâ thế péa pâ pơtối mơdêk tơrŭm tung pơla mâu hơnăm mơnhông mơdêk nếo, pro pơxúa khât ăm kuăn pơlê péa tơnêi têa tung tâi tâng mâu râ, kơvâ cheăng ƀă hnoăng pro hơniâp lĕm, tơrŭm mơnhông mơdêk a kơpong ƀă lâp plâi tơnêi.