Kơxo hâi lơ 24/3, pôa Nguyễn Phú Trọng, Kăn xiâm hnê ngăn Đảng veăng leh ƀă tối tơbleăng a rôh leh tơbâ 60 hơnăm hâi Pôa Hồ Chí Minh - Kăn xiâm hnê ngăn tơnêi têa hneăng hdrối trâm mâu mâu ngế rơkê ƀă 40 hơnăm mơjiâng khu tơrŭm cheăng Khoa hok ƀă kih thuât Việt Nam. Tơpui a rôh leh, pôa Nguyễn Phú Trọng tối, tơkâ luâ hên hơnăm dêi hdroâng mơngế, mơngế rơkê Việt Nam đi đo mơdêk tuăn hiâm pâ nhoăm tơnêi têa, hiâm mơno hâk tơngăm hdroâng mơngế, ƀă rak hnoăng cheăng ki kal tung tơdroăng cheăng mơjiâng ƀă rak vế tơnêi têa.

Pôa Nguyễn Phú Trọng tối púi vâ tung la ngiâ, khu tơrŭm cheăng Khoa hok ƀă Kih thuât Việt Nam, mâu ki rơkê khoa hok ƀă kơmăi kơmok Việt Nam kal pơtối hbrâ ƀă pêi tro tâ nếo hnoăng cheăng tí tăng ‘nâi plĕng ăm Đảng ƀă Tơnêi têa.

Mê cho: Pêi pro tro tâ nếo tơdroăng hnê tối, tối tơdrăng tung tơdroăng mơjiâng, pê klêi mâu luât pơkâ, tŏng kum, mâu hlá mơ-éa chêh pơkâ dêi Luât ƀă mâu tơdroăng pơkâ ki nhên, tơ’mot, xúa nhoăm mâu ngế rơkê, vâ mơjiâng mâu ngế rơkê dêi tơnêi têa pin ôh tá la lâi pơtê, thăm rế rơdêi tâ, tơniăn ai tŭm kơxô̆ ƀă tơƀrê.